Kosova nuk do ketë qetësi nëse nuk lirohet Haradinaj

Kanë mbetur edhe pak ditë që nga seanca e radhës ndaj Ramush Haradinajt në Francë, ndërsa zyrtarë të partisë së tij paralajmërojnë se Kosova nuk do të ketë qetësi deri sa të lirohet kreu i kësaj partie.

Deputetja e AAK-së, Time Kadrijaj, ka thënë se Haradinaj po mbahet padrejtësisht në Francë.

Kuvendi i Kosovës më 9 mars miratoi një rezolutë përmes të cilës kërkohet lirimi sa më i shpejtë dhe pa kushte i Haradinajt, ndërsa kërkohet pezullimi i dialogut me Serbinë deri në lirimin e tij.

Po ashtu, në rezolutë thuhet që Qeveria e Kosovës duhet të kërkojë nga BE-ja që ta detyrojë Serbinë që t’i anulojë të gjitha aktakuzat dhe fletarrestimet e lëshuara nga Serbia nëpërmjet Interpolit për shtetasit e Kosovës.