Kosova vazhdon ta këtë mbështjetjen nga Franca

Ambasadori i Francës në Kosovë Didier Chabert, udhëheqësi i Zyrës Regjionale të Thesarit Francez Jean-Marie Demange  dhe Atasheu Financiar Mathilde Hily, u pritën sot nga Zëvendësministri i Financave Agim Krasniqi.

Në këtë takim u fol për mbështjetjen e vazhdueshme të Francës për Kosovën, përkrahja që i jep qeveria franceze qeverisë sonë. Në veçanti u përmend zbatimi i Protokollit Financiar i nënshkruar më 5 korrik të këtij viti në vlerë 66 milionë Euro për financimin e Projektit të ujërave të zeza në Komunën e Prishtinës, Obiliqit si dhe Fushë Kosovës.

Të dyja palët, ashtu edhe siç thuhet në komunikatën për media u dakorduan që të procedohet me Marrëveshjen Financiare e cila ka rrjedhur nga Protokolli Financiar.

Marrëveshja në fjalë parashihet që gjatë ditëve në vijim të finalizohet dhe të nënshkruhet nga Ministri i Financave i Qeverisë së Republikës së Kosovës dhe përfaqësuesi i Qeverisë Franceze./gazetametro.net