Loading…

Kosovarët kthehen nga fundjava në Shqipëri: Krijohen kolona të gjata në kufi

  • 11/04/2021 | 23:25

Kosovarët kthehen nga fundjava në Shqipëri: Krijohen kolona të gjata në kufi

Mijëra qytetarë të Kosovës fundjavën e kaluan në Shqipëri.


Ky fluks i madh po konsiderohet edhe një bartës i Covid-19 në Kosovë, përkundër masave anti-Covid të vendosura nga Qeveria.

Tani qytetarët kanë filluar të kthehen në vend, me ç’rast në pikën kufitare Morinë janë shkaktuar kolona të gjata.

Pas kritikave të shumta ndaj Qeverisë, është deklaruar zëdhënësi i Qeverisë së Kosovës, Përparim Kryeziu.

Ai ka thënë se masat e reja kundër përhapjes së koronavirusit nuk kanë shkaktuar fluksin e shqiptarëve të Kosovës për ta kaluar fundjavën në Shqipëri.

Sipas tij këtë fundjavë në drejtim të Shqipërisë kanë shkuar rreth 29 mijë qytetarë, ndërsa në prill të vitit 2019, kur nuk kishte pandemi, shtetin shqiptar e kishin vizituar rreth 30 mijë qytetarë.

Moti me diell gjatë kësaj fundjave joshi mijëra kosovarë që të ia mësyjnë Shqipërisë të paktën për tu relaksuar lirshëm pas masave të reja që ndërmori qeveria e Kosovës për parandalimin e përhapjes së Covid-19.

Sipas vendimit të ekzekutivit të datës 5 prill, qytetarët të cilat shkuan në Shqipëri për fundjavë, nuk do të kenë nevojë për test e as për vetizolim kur të kthehen në Kosovë.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë