Loading…

Kosovarët pas dy muaj vonesë do të vaksinohen kundër gripit sezonal

  • 06/12/2019 | 08:35

Kosovarët pas dy muaj vonesë do të vaksinohen kundër gripit sezonal

Me dy muaj vonesë, krahasuar me vitin e kaluar, kosovarët do të kenë në dispozicion vaksinat kundër gripit sezonal. Ndonëse sipas organizatave të shëndetësisë vaksinimi kundër gripit sezonal duhet të bëhet në fillim të sezonit, kjo sivjet nuk u është mundësuar kosovarëve.

Vaksinat, sipas Ministrisë së Shëndetësisë (MSH), do të arrijnë në Kosovë të premten (sot), ndërkohë që shpërndarja e tyre do të fillojë tek në fillim të javës së ardhshme. Vitin e kaluar, sipas një njoftimi të Institutit Kombëtar të Shëndetësisë Publike (IKSHP), vaksinat kishin filluar të shpërndaheshin më 5 tetor, shkruan sot “Koha Ditore”.

Sipas Qendrës për Kontrollin dhe Parandalimin e Sëmundjeve në SHBA, vaksinat kundër gripit sezonal duhet të merren deri në fund të tetorit.

“Ju duhet të merrni një vaksinë kundër gripit përpara se viruset e gripit të fillojnë të përhapen në komunitetin tuaj, pasi duhen rreth dy javë pas vaksinimit që antitrupat të zhvillohen në trup dhe të sigurojnë mbrojtje nga gripi. Bëni plane për t’u vaksinuar në fillim të vjeshtës, përpara se të fillojë sezoni i gripit. Qendra për Kontrollin dhe Parandalimin e Sëmundjeve rekomandon që njerëzit të marrin një vaksinë kundër gripit deri në fund të tetorit”, thuhet në një dokument të publikuar të kësaj Qendre.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë