Loading…

KQZ nuk i certifikoi rezultatet në këto katër komuna të Kosovës

  • 29/10/2021 | 18:39

KQZ nuk i certifikoi rezultatet në këto katër komuna të Kosovës

Kryetari i KQZ-së, Kreshnik Radoniqi, tha se rezultatet nuk mund të certifikohen në katër komuna: Shtime, Ferizaj, Podujevë dhe Kllokot, për shkak të ankesave të ngritura.


Për këto ankesa, “presim vendimmarrjen e Panelit Zgjedhor për Ankesa dhe Parashtresa ose të Gjykatës Supreme”, tha Radoniqi.

Të premten, Gjykata Supreme refuzoi për herë të dytë ankesën e kandidatit për kryetar të Hanit të Elezit, Rufki Suma, dhe rrjedhimisht në këtë komunë nuk do të ketë proces të rivotimit.

KQZ-ja e certifikoi më pas rezultatin për Han të Elezit, ku në rundin e parë kryetar është zgjedhur Mehmet Ballazhi, kandidat i Partisë Demokratike të Kosovës.

Rezultatet u certifikuan edhe për komunat: Deçan, Gllogoc, Gjakovë, Gjilan, Dragash, Istog, Klinë, Kaçanik, Fushë Kosovë, Kamenicë, Mitrovicë e Jugut, Leposaviq, Lipjan, Novobërdë, Obiliq, Rahovec, Pejë, Prishtinë, Prizren, Skënderaj, Shtërpcë, Suharekë, Viti, Vushtrri, Zubin Potok, Deçan, Malishevë, Junik, Mamushë, Graçanicë, Ranillug, Partesh dhe Mitrovicë e Veriut.

Në bazë të rezultateve përfundimtare, që u shpallën një ditë më herët, 21 komuna do të garojnë në rundin e dytë, ndërsa në 17 komuna fituesi është vendosur në rundin e parë.

Rundi i dytë i zgjedhjeve do të mbahet më 14 nëntor.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë