KQZ: Të pastrohen listat e zgjedhjeve

Kryetarja e Komisionit Qendror Zgjedhor (KQZ), Valdete Daka në tryezën e organizuar nga presidenti Hashim Thaçi lidhur me reformën zgjedhore, ka thënë se institucioni që ajo drejton është i gatshëm të japë kontributin e saj në reformën zgjedhore. Ajo ka shtuar se do të ishte mirë që të kemi thjeshtim të procesit zgjedhor, pastaj pastrimit të listave të votuesve.

“Para katër viteve ka filluar një reformë zgjedhore por për shkak të rrethanave nuk është përfunduar kurrë. Ne si KQZ do të jemi të gatshëm të japim kontributin tonë gjatë reformës zgjedhore”, ka shtuar Daka.