Loading…

KQZ’ja vazhdon përgatitjet, sot përfundon afati shtesë për kandidim për zgjedhjet në veri

  • 25/11/2022 | 08:48

KQZ’ja vazhdon përgatitjet, sot përfundon afati shtesë për kandidim për zgjedhjet në veri

Në orën 16:00, do të përfundojë edhe afati shtesë për subjektet politike (partitë politike, nismat qytetare dhe kandidatët e pavarur) që duan të dorëzojnë në KQZ emrat e kandidatëve të tyre për kryetar në ndonjërën nga katër komunat ku do të mbahen zgjedhjet e jashtëzakonshme më 18 dhjetor 2022.


Zëdhënësi i KQZ-së, Valmir Elezi, ka bërë të ditur për Ekonomia Online se që nga 15 nëntori dhe deri më tani, kanë aplikuar 3 subjekte politike, ku vetëm njëra prej tyre ka dorëzuar emrat e katër kandidatëve, ndërsa dy të tjera vetëm nga një kandidat.

Sipas KQZ-së, Partia Demokratike e Kosovës ka dorëzuar emrat e katër kandidatëve për katër komunat (Mitrovicë e Veriut, Leposaviq, Zveçan dhe Zubin Potok); Iniciativa Qytetare Mitrovica vetëm për një komunë (Mitrovicë e Veriut); ashtu si edhe Partia Kosovskih Srba (Leposaviq).

Të hënën e 21 nëntorit, Komisioni Qendror i Zgjedhjeve kishte marrë vendim që të ndryshonte disa afate të aktiviteteve zgjedhore, në mesin e të cilave edhe afati për aplikim të subjekteve politike dhe kandidatëve që duan të certifikohen për pjesëmarrje në zgjedhjet e 18 dhjetorit. Sipas vendimit të KQZ-së, ky afat i paraparë të përfundonte më 21 nëntor ishte shtyrë deri më 25 nëntor. ​

Një ditë më parë, KQZ-ja ka bërë të ditur se është duke vazhduar me përgatitjet për organizimin e zgjedhjeve të jashtëzakonshme për kryetar në këto katër komuna.

Pas dorëheqjes së katër zyrtarëve të KQZ-së që kanë punuar në katër komunat veriore, ky institucion ka caktuar katër ushtrues detyre.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë