Loading…

Krasniqi i reagon Aliut: Na gënjyet për rezultatin e sondazhit, apo VV’ja e ka ndërmend ta propozojë Veselin për kryeministër

  • 23/05/2020 | 13:25

Krasniqi i reagon Aliut: Na gënjyet për rezultatin e sondazhit, apo VV’ja e ka ndërmend ta propozojë Veselin për kryeministër

Gazetari i Koha Ditore, Besnik Krasniqi i ka reaguar deputetit të Lëvizjes Vetëvendosje, Liburn Aliu, pasi ky i fundit e ka apostrofuar atë rreth raportimit të dekretit të presidentit, Thaçi, nga Gjykata Kushtetuese, duke thënë se po hulumtojnë atë çfarë dëshiron kryetari i PDK’së, Kadri Veseli, shkruan Gazeta Metro.


Krasniqi e ka cilësuar si sulm deklaratat e Aliut duke thënë se shkruan deri sa shërbehet me paranoja dhe insinuata, sipas tij shfaq kontradikta me veten.

Ai thotë kontradikta më e madhe e deklaratës së Aliut ndodhet tek pjesa ku thotë se Veseli e dinë se në zgjedhjet e ardhshme VV del e para, kurse PDK e dyta dhe Gjykata i hap rrugë Kadri Veselit të bëhet kryeministër.

Po ashtu gazetari Krasniqi thotë se nuk e kupton qysh Veseli po u bëka kryeministër pas zgjedhjeve, ku sipas sondazheve të publikuat nga VV do t’i fitojë mbi 50 për qind të votave.

Ai ka pyetur Aliun se “Na keni gënjyer për rezultatin e sondazhit, apo LVV-ja ka ndërmend ta propozojë Veselin për kryeministër?”.

Postimi i plotë nga Krasniqi:

Sulmi i fundit na vjen nga Liburn Aliu, një nga njerëzit kryesorë të Vetëvendosjes në pushtet. Po sulmon, tek po shërbehet me paranoja e insinuata!

Statusi i Liburnit shpërfaq akuza ndaj Kohës Ditore dhe një kontraditë me veten.

E konteston punën profesionale tonën, kur fjalën hulumim e vë në thojëza. E, na vë në rolin e propaganduesit të Kadri Veselit, kur thotë se po shkruajmë për atë që kreu i PDK-së do.

Kontradita e madhe me veten ndodhet tek pjesa ku thotë se Veseli “e din që në zgjedhjet e ardhshme fiton LVV por po ashtu beson që PDK del e dyta dhe me këtë Aktgjykim të Gjykatës Kushtetuese, bëhet presedani që i hap rrugën atij për t’u bërë Kryeministër”. Tash unë nuk po e kuptoj qysh Veseli po u bëka kryeministër, pas zgjedhjeve për të cilat po na thoni se, sipas sondazheve, LVV-ja do t’i fitojë mbi 50 për qind të votave. Na keni gënjyer për rezultatin e sondazhit, apo LVV-ja ka ndërmend ta propozojë Veselin për kryeministër?

Nejse.

PDK-ja na etiketon si militantë të LVV-së. LVV-ja si argatë të PDK-së. Pra, gjithëherë vihemi në thumb të pushtetit.

Nuk ka tregues më të mirë se ky, se si gazetë jemi në rrugën e duhur.//gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë