Loading…

Krasniqi: Vendimi i Qeverisë për shtesat e pensionistëve, tipik i abuzimit me resurset shtetërore për përfitim të partisë

  • 27/10/2021 | 14:51

Krasniqi: Vendimi i Qeverisë për shtesat e pensionistëve, tipik i abuzimit me resurset shtetërore për përfitim të partisë

Anëtari i Shoqërisë Civile dhe analisti Albert Krasniqi po ashtu e sheh vendimin e Qeverisë së Kosovës për “dyfishimin e pagesës për përfituesit e skemës së ndihmës sociale” të lidhur me zgjedhjet lokale.


Krasniqi madje e quan “rast tipik i abuzimit me resurset shtetërore për përfitime të partisë në pushtet” vendimin që sot e mori Qeveria e Kosovës në krye me Albin Kurtin.

Vetëvendosje është në balotazh në 12 komuna të Kosovës.

“Aq më keq, kur për forma të tilla të abuzimit keni kritikuar qeveritë e kaluara – keni kërkuar mbështetje për të vepruar ndryshe – dhe tani kur e keni rastin, e bëni pikërisht të njëjtën.” – ka shkruar z. Krasniqi.

Analisti shton se tashmë qeverisë i ka mbetur ta premtojë bërjen komunë të Zhegrës dhe Zhurit, siç kishte bërë Hashim Thaçi.

Statusi i plotë:

Vendimi i Qeverisë – në kohë të fushatës zgjedhore – për dyfishimin e pagesës për përfituesit e skemës së ndihmës sociale për dy muaj; dhe për ndarjen nga 100 euro shtesë për pensionistët për një muaj; është rast tipik i abuzimit me resurset shtetërore për përfitime të partisë në pushtet. Kësisoj, dëmtohet procesi zgjedhor përmes krijimit të pabarazisë zgjedhore me partitë tjera në opozitë.

Aq më keq, kur për forma të tilla të abuzimit keni kritikuar qeveritë e kaluara – keni kërkuar mbështetje për të vepruar ndryshe – dhe tani kur e keni rastin, e bëni pikërisht të njëjtën.

Ka mbetur vetëm edhe të premtohet që Zhegra dhe Zhuri do të bëhen komuna.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë