Krim tronditës: Shqiptari vret gjyshen dhe veten

Një ngjarje tragjike ka ndodhur në qytetin e Durrësit rreth mesditës së të martës.

Ngjarja e rëndë ka ndodhur në familjen Curri në lagjen numër 7 të qytetit bregdetar.

Sipas raportimeve paraprake, i riu Ersid Curri, rreth 25 vjeç, ka qëlluar me armë gjyshen e tij 80-vjeçare Hyrma Curri dhe më pas po me të njëjtën armë është vetëvrarë.

Nuk dihet ende nëse bëhet fjalë ngjarje aksidentale, apo për një krim të dyfishtë të qëllimtë.

Shtëpia ku u gjetën trupat ishte e mbyllur nga brenda. Gjyshja nuk po i përgjigjej telefonatave të familjarëve. Kjo ka bërë që këta të fundit të telefonojnë policinë pas dyshimeve.

Në vendin e ngjarjes është gjetur një armë zjarri tip automatik. Ngjarja dyshohet se ka ndodhur mëngjesin e sotëm.