Loading…

Kriza me lirën turke kthehet në çështje politike, shënjestrohen gazetarë dhe ekonomistë

  • 30/12/2021 | 11:40

Kriza me lirën turke kthehet në çështje politike, shënjestrohen gazetarë dhe ekonomistë

Kriza me valutën turke, lira, është kthyer në çështje politike, pasi ministri turk i Ekonomisë, Nureddin Nebati, u ka bërë thirrje qytetarëve që të padisin ekonomistët që komentojnë në rrjetet sociale për rënien e lirës.


Ministri Nebati, i ka bërë këto komente pasi rregullatori bankar i shtetit ka dorëzuar kallëzim penal ndaj më shumë se 20 personave, përfshirë një ish-guvernator të bankës qendrore, për shkak të postimeve të tyre në Twitter.

Valuta turke ka humbur gati gjysmën e vlerës së saj prej fillimit të nëntorit e deri kur presidenti turk, Recep Tayyip Erdogan ka bërë të ditura masat e reja për mbështetje të lirës.

Analistët kanë thënë se fajtore për këtë situatë janë politikat e Erdoganit për luftim të inflacionit përmes zvogëlimit të normave të interesit – kur në fakt ai do të duhej të vepronte krejtësisht ndryshe.

Në kallëzimin penal janë shënjestruar gazetarë dhe ekonomistë, të cilët kanë sugjeruar se rënia e lirës do të vazhdojë derisa të ndryshojnë politikat e Erdoganit.

Nebati ka akuzuar komentuesit për “luftë psikologjike”, duke iu bërë thirrje turqve që të blejnë ar dhe dollarë, në mënyrë që të ruajnë kursimet e tyre nga rënia e lirës.

“Dërgoni kallëzime penale ndaj secilit që ju keqinformon”, u ka bërë thirrje njerëzve Nebati.

Në mesin e personave të përfshirë në kallëzim penale është edhe ish-guvernatori i bankës qendrore, Durmus Yilmaz – tani deputet i partisë opozitare Iyi Parti – dhe ekonomisti, Guldem Atabay./REL

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë