Loading…

Kriza me rrymë, KEDS: Për disa muaj e kemi bartur barrën e furnizimit, kur u shterën resurset i filluam kufizimet

  • 25/12/2021 | 13:17

Kriza me rrymë, KEDS: Për disa muaj e kemi bartur barrën e furnizimit, kur u shterën resurset i filluam kufizimet

Zëdhënësi i distributorit të energjisë, KEDS’it, Viktor Buzhala ka thënë se janë detyruar që të rikthejnë reduktimet për shkak të tri faktorëve që sipas tij kanë ndikuar në krizën energjetike në Kosovë, shkruan Gazeta Metro.


Buzhala në konferencë për media tha se është rritur konsumi i energjisë elektrike si dhe janë rritur çmimet e importit.

“Vendi aktualisht është duke u përballur me vështirësi bukur të mëdha. Në bazë të analizave që janë bërë janë tri faktorë që ndikojnë në këtë gjendje është rritja e madhe e konsumit të energjisë elektrike në vend, pamjaftueshmëria e prodhimit dhe kriza ndërkombëtare që ka rritur çmimet në nivel shumë të lartë. Konsumi ka arritur deri në 1400 MW në orë që nuk është shënuar asnjëherë në histori të Korporatës. Prodhimi shkon në 600 MW dhe e kemi jashtë njësinë B të termocentralit Kosova B. Edhe çmimet e importit po shkojnë në 600 euro për MW e që janë 10 fish më të larta sesa vitin e kaluar”, ka thënë ai.

Më tutje, Buzhala deklaroi se  KEDS është detyruar që të fillojë me kufizime për herë të parë në historinë e kompanisë.

Për fillimin e këtyre kufizimeve ai tha se është marrë vendim pas shterjes së resurseve.

“Ne për disa muaj e kemi bartur barrën e furnizimit me energji elektrike për konsumatorët. Nuk kemi aplikuar reduktime për asnjë konsumatorë derisa na u shtjerrën resurset. Komplet sistemi është bërë likuid dhe ne kemi filluar me kufizime. Po flasim për kufizime që kanë ndodhur për herë të parë në historinë e kompanisë, domethënë pas tetë vitesh kemi filluar me kufizime pas tetë vitesh”, ka thënë ai.

Ndryshe tash e tri ditë, Kosova po përballet me krizë energjetike, ku reduktimet e rrymës janë më shumë se dy orë./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë