Kryediplomati Bujar Osmani thërret për de-eskalim në Veri, vë në gatishmëri OSBE’në që e kryeson

Ministri i Punëve të Jashtme të Maqedonisë së Veriut, Bujar Osmani, i cili në kapacitetin e kryesuesit të OSBE’së ka vizituar Serbinë dje dhe sot qëndroi në Kosovë shprehu gatishmërinë e menjëhershme për të asistuar në de-eskalimin e situatës, transmeton Gazeta Metro.

Kryediplomati Osmani që në Beograd të enjten iu bëri me dije shefit të diplomacisë serbe Ivica Dacic se pret reforma institucionale në demokratizimin e shoqërisë serbe, duke theksuar komunitetin etnik shqiptar në Luginën e Preshevës, si dhe procesin e dialogut me Kosovën.

Të premten në Prishtinë vizitoi misionin e OSBE’së po ashtu por edhe zyrtarët e lartë të vendit,, si kryeministrin Albin Kurti me të cilin ka diskutuar konsolidimin e institucionet demokratike dhe të drejtat e komuniteteve.

Gjatë ditës në veri të Kosovës situata eskaloi megjithatë që e shtyu ministrin Bujar Osmani që të ofrojë ndihmën e tij.

“Bëj thirrje de-eskalim dhe ulje tensionesh në veri të Kosovës. OSBE rri në gatishmëri për të ndihmuar; Misioni i OSBE’së në Kosovë ka kredibilitet dhe besueshmëri në mesin e njerëzve, institucioneve: vitale për të ruajtur paqen dhe stabilitetit. Do të rinisem për vizitën time në Mitrovicë sa më shpejtë që është e mundur”.

As @OSCECiO I call for de-escalation & defusing tensions in the north of #Kosovo. #OSCE stands ready to help; @OSCEKosovo mission has credibility & trust among people, institutions; crucial to preserve peace & stability

I’ll re-initiate my visit to #Mitrovica as soon as possible

— Bujar Osmani (@Bujar_O) May 26, 2023

Si kryesues i OSBE’së, shefi i diplomacisë së Maqedonisë së Veriut ka kontribuuar me sukses në procesin paqësor mes Armenisë dhe Azerbajxhanit. Po ashtu ka vizituar vendet e krizës si Moldavia dhe Ukraina në cilësinë e kryesuesit së OSBE’së.

Për këtë veprimtari diplomatike ai ishte pritur dhe nderuar në Departamentin Amerikan të Shtetit, ku i prit nga Sekretari Antony Blinken./gazetametro.net