Kryeministri Mustafa: Nuk kemi biseduar për prishje të koalicionit (Video)

Kryeministri Isa Mustafa, ka thënë se me partnerin e koalicionit, PDK’në, nuk është diskutuar për prishje të koalcionit.

Gazeta Metro ditë më parë, e dje edhe Klan Kosova, kanë raportuar se vendi më 4 qershor do të shkojë në zgjedhje të parakohëshme. Kësaj do t’i paraprijë prishja e koalicionit qeveritar, që pritet të ndodhë pas dërgimit në Kuvend për miratim të marrëveshjes së Demrakacionit, raporton gazetametro.net.

Ndërsa, kryeministri Mustafa, sot gjatë inaugurimit të punimeve për zgjerimin e rrugës nga Rrethi i Spitalit deri në Veternik, ka folur edhe për zgjedhjet e parakohëshme. Ai me këtë rast, edhe pse nuk i ka mohuar ato, ka thënë se me PDK’në, nuk kanë folur për prishje të koalicionit.

“Nuk kemi biseduar për prishje të koalicionit. Demarkcioni duhet të jetë përgjegjësi e deputetëve të Koaoves që mos t’i mbajnë qytetarët e Koaovës të izoluar dhe mos të veprojnë sipas tekeve të tyre”, ka thënë Mustafa.

Javën e kaluar, kryeministri e edhe kryetari i Kuvendit, Kadri Veseli, paralajmëruan se nëse dështon miratimi i Demarkacionit, atëherë, ky Kuvend, me këtë përbërje më nuk do të duhej të vazhdojë, duke lënë të nënkuptohet se vendi duhet të shkojë në zgjedhje të parakohëshme. /gazetametro.net

Kryeministri Mustafa: Nuk kemi biseduar për… by gazetametro