Loading…
Kryeministri në AKP: Ky është viti i ekonomisë
  • 17/01/2019 | 09:59

Kryeministri në AKP: Ky është viti i ekonomisë

Qeveria Haradinaj, është zotuar për nxitje ekonomike me dinamikë të përshpejtuar si dhe në mbështetje të privatizimeve që tashmë i udhëheq bashkëpartiaku i tij, ish sekretari i AAK’së, Valon Tolaj, transmeton Gazeta Metro.


Kryeministri i Republikës së Kosovës, Ramush Haradinaj, gjatë ditës së sotme ka zhvilluar një vizitë pune në Agjencinë Kosovare të Privatizimit, ku është pritur nga Bordi Drejtues i kryesuar nga u.d. kryesuesi i Bordit, Skender Komoni dhe Drejtori Menaxhues i AKP-së, Valon Tolaj.

Kryeministri Haradinaj është njoftuar me aktivitetet dhe sfidat e Agjencisë Kosovare të Privatizimit, poashtu udhëheqësit e bordit prezantuan sfidat dhe vizionin për vitet në vazhdim, si dhe për asetet në pronësi shoqërore të cilat mund të trajtohen sipas Ligjit për Investime Strategjike.

“Atë që kemi deklaruar, që është vit i ekonomisë, do të vërtetohet, do të ndodhë një nxitje ekonomike edhe më e madhe sesa e planifikuar”, tha kryeministri Haradinaj, duke shtuar se edhe në takimin që pati me kryetarët e komunave, ishte zhvillimi lokal ekonomik, është këtu dhe do të vazhdojë çdo ditë kështu.

Ndërsa, Drejtori menaxhues i Agjencisë Kosovare të Privatizimit, Valon Tolaj, tha se mbështetja e Qeverisë për AKP-në është shumë thelbësore dhe në funksion të kësaj falënderoi kryeministrin Haradinaj për mbështetjen, duke shprehur njëkohësisht gatishmërinë dhe vullnetin, që përveç obligimeve ligjore, që AKP të jetë bashkëpunëtore dhe të japë kontributin e saj në funksion të zhvillimit ekonomik të konceptit që Qeveria e ka proklamuar.

“Do të japim maksimumin dhe do të rritin dinamikën  e gjithë asaj që ne mund të ofrojmë në funksion vetëm të zhvillimit ekonomik dhe krijimit të vendeve të punës, si dhe thithjes së investimeve, qoftë të jashtme apo të brendshme”, tha drejtori menaxhues i AKP-së, Valon Tolaj. /gazetametro.net

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë