Kryeparlamentari në vizitë zyrtare në Francë

Kryeparlamentari Kadri Veseli, sot ka udhëtuar për një vizitë zyrtare për në shtetin e Francës, u bë e ditur nga zyra për media dhe marrëdhënie me publikun e Kuvendit të Kosovës.

Gjatë qëndrimit në Paris, kryeparlamentari Veseli do të pritet në një takim të veçantë nga homologu i tij francez, Claude Bartolone, kryetar i Asamblesë Nacionale të Francës, si dhe do të zhvillojë takime të tjera me personalitete të larta franceze.

Veseli do të takojë edhe qytëtar nga Kosova, të cilët jetojnë dhe ndjekin studimet në universitetet franceze.

Për shtetin e Kosovës, Franca konsdierohet si një nga vendet mike, që i ka dhënë mbështetje të madhe vendit tonë në kohë dhe rrethana të ndryshme, përkrahje kjo e cila pritet të vazhdojë edhe në të ardhmen, si në agjendën ekonomike, ashtu edhe atë euro-integruese./gazetametro.net