Kryetari i Zubin Potokut dhe i Zveçanit ‘lirohen’ nga zyra e BE’së, shkojnë në selinë e PDK’së

Kryetari i sapozgjedhur i komunës së Zubin Potokut, Izmir Zeqiri dhe ai i Zveçanit, Ilir Peci, pas takimit me ambasadorin Jeff Hovenier, sipas burimeve të RTV Dukagjinit, kanë shkuar dhe po qëndrojnë në selinë e PDK-së.

Pas takimit me Hovenier, përkundër përpjekjeve, ata nuk kanë qenë të qasshëm për prononcim. Gjatë mëngjesit, kryetari Zeqiri kishte deklaruar se nuk e di a do të shkojë në objekt të komunës në Zubin Potok dhe se një gjë të tillë do ta bëjë të ditur më vonë.

Aktualisht, në tri komunat e veriut po protestohet kundër kryetarëve shqiptarë, të cilët i fituan zgjedhjet e jashtëzakonshme.

Në ato pjesë, përpos Policisë së Kosovës, po qëndrojnë edhe trupat e KFOR-it.