Loading…

Kthehen tensionet, raportime për luftime mes Armenisë e Azerbajxhanit

  • 10/12/2021 | 09:02

Kthehen tensionet, raportime për luftime mes Armenisë e Azerbajxhanit

Azerbajxhani dhe Armenia e kanë akuzuar njëra-tjetrën për shkeljen e armëpushimit përgjatë kufirit të përbashkët përderisa tensionet pas luftës së vitit të kaluar duket se po rriten.


Ministria e Mbrojtjes e Azerbajxhanit tha përmes një deklarate të premten se njësitë e ushtrisë armene kanë hapur zjarr ndaj pozicioneve të ushtrisë azere në distriktin Kalbacar, shkruan Free Europe.

Akuzat erdhën disa orë pasi kjo ministri tha se një ushtar azer u vra gjatë natës “si rezultat i një provokimi nga forcat e armatosura armene” afër kufirit të përbashkët.

Në anën tjetër, Ministria e Mbrojtjes e Armenisë tha në një deklaratë të premten se dy ushtarë armenë janë plagosur, pasi forcat e armatosura azere “hapën zjarr intensiv nga armët e kalibrave të ndryshëm” ndaj pozicioneve ushtarake armene në rajonin Gegharkunik.

Një ditë më herët, ministria armene tha se forcat azere kanë hapur zjarr ndaj pozicioneve të saj në një rajon lindor të kufirit të përbashkët. Raportimet për luftime nuk mund të verifikoheshin në mënyrë të pavarur.

Tensionet mes Armenisë e Azerbajxhanit janë rritur në vitet e fundit shkaku i rajonit të Nagorno-Karabakut, i cili de fakto kontrollohet nga forcat etnike armene, por nga komuniteti ndërkombëtar njihet si pjesë e territorit të Azerbajxhanit. Vitin e kaluar shpërtheu një luftë 6-javore, duke shkaktuar mbi 6.500 viktima.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë