Kuçi paralajmëron mbajtjen e zgjedhjeve, PDK s’ka vija të kuqe për askënd

Nënkryetari i Partisë Demokratike të Kosovës (PDK), Hajredin Kuçi, ka deklaruar se vendi ka nevojë për një lidership. Ai ka pranuar se me LDK-në kanë pasur biseda.

“Deri në ditën e hënë kreu i LDK-së dhe i PDK-së, do të takohen dhe të diskutojnë”, ka theksuar ai. Sipas tij PDK-ja do të jetë konstruktive. Ai ka ftuar LDK-në, që të shikojë dhe të merren vendime.

“Nëse nuk kemi lëvizje pozitive, edhe zgjedhjet mund të mbahen”, ka thënë ai në një paraqitje televizive në televizionin publik.

Kuçi ka thënë se PDK-ja nuk ka vija të kuqe për asnjë subjekt politik. Ai nuk e ka përjashtuar edhe pas zgjedhjeve LDK-në.

“PDK-ja është e interesuar që të ruajë qetësinë dhe hegjemonitetin. PDK-ja do të jetë partnerë me secilin subjekt politik”, ka thënë ai, përcjell rtklive. Sipas tij PDK-ja do të punojë për fitore.

“PDK-ja është e përgatitur për të qeverisur. Problemet e mëdha që i ka Kosova PDK mund t’i gjejë zgjidhje”, ka thënë ai.