Loading…

Kukësi s’e duron Ramën, kërkon t’i bashkohet Kosovës

  • 31/03/2018 | 17:01

Kukësi s’e duron Ramën, kërkon t’i bashkohet Kosovës

Protesta e ditës së sotme e zhvilluar për tarifën e Rrugës së Kombit ka bërë bujë në të gjitha mediat pasi u shoqërua me dhunë nga ana e policisë dhe protestuesve.


Nisur nga ora 10:00 e mëngjesit e deri më tani kur u arrit një marrëveshje, protestues kuksianë e edhe nga Kosova kishin bllokuar doganën e Morinës dhe qarkullimin në Rrugën e Kombit.

Ata i vunë flakën kabinës ku bëhej pagesa ndërkohë që të tjerë shiheshin me gurë në duar duke shkatërruar xhamat e dyerve ndërkohë që policia vuri në përdorim shkopat e gomës.

Disa persona mbetën të lënduar nga kjo përplasje polici-protestues.

Megjithëse u arrit marrëveshja se askush nuk do të arrestohej nga kjo protestë dhe qarkullimi rrugor u lirua, qytetarët kuksianë kanë deklaruar se Kukësi do të kërkojë pavarësinë si Katalonja dhe do t’i bashkohet Kosovës.

Kjo deklaratë e një qytetari kuksian përpara kamerave është duartrokitur nga protestuesit e tjerë, të cilët siç duket ishin dakord me mendimin e tij.

“Kukësi do të kalojë si Katalonja me Kosovën dhe nuk do të jetë më me Shqipërinë! Rrethi i Kukësit do të kërkojë pavarësinë nga Shqipëria, jashtë qeverisë së Edi Ramës!”, ka deklaruar ky protestues. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë