Loading…

‘Kurti me Bashkim Jasharin kanë plane për sulm në Veri’

  • 06/12/2021 | 14:13

‘Kurti me Bashkim Jasharin kanë plane për sulm në Veri’

Milovan Drecun, ish -komentatori politiko -ushtarak në Radiotelevizionin e Serbisë, tani në cilësinë e zyrtarit të një këshilli për Kosovën në Kuvendin e Serbisë, ka komentuar emërimin e Bashkim Jasharit në krye të FSK’së duke thënë se “tani është e qartë se Albin Kurti nuk po mund të dalë nga uniforma e organizatës kriminale UÇK’ së”.


Ai ka thënë se të gjitha ato që i di për Bashkim Jasharin janë negative.

“Duhet të dimë se ai i përket një klani kriminal. Xhaxhai i tij është Adem Jashari që është likuiduar në përleshjet me forcat tona të sigurisë, por veçmas është interesante që Bashkim Jashari ka qenë njëri nga komandantët e zonave të të ashtuquajturës TMK nga viti 2003 dhe pikërisht në atë kohë është i dyshuar për aktivitete kriminale” ka thënë Drecun.

Duke e sulmuar nga Beogradi komandatin e ri të FSK’së ai ka thënë se është i përfshirë “tregëtinë me drogë, armatim, reket dhe organizim të prostitucionit”.

Drecun duke vazhduar intervistën propagandistike në televizionin serb ka thënë se bashkë me Kryeministrin e Kosovës Albin Kurti kanë plane për sulm në Veri.

“Ata punojnë intensivisht për armatosjen e FSK’së që po shndërrojnë në një far ushtrie sipas planit 10 vjecar. Kanë plane operative për veprim dhe sulm në Veri të Kosovës. Qëllimi i tyre i vetëm është që të tentojnë të sundojnë me dhunë në Veriun e Kosovës” ka thënë Drecun që njihet me qasjen e tij antishqiptare nga vitet 90’të.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë