Loading…

Kurti nuk u koordinua me QUINT’in për vendimin e targave: Ambasadorët po diskutojnë me kryeqytetet e tyre

  • 28/10/2022 | 18:41

Kurti nuk u koordinua me QUINT’in për vendimin e targave: Ambasadorët po diskutojnë me kryeqytetet e tyre

Kryeministri i Kosovës, Albin Kurti, ka treguar sot për takimin që ka pasur me ambasadorët e QUINT’it, pak para se të njoftonte për shtyrjen e vendimit për targat, shkruan Gazeta Metro.


Kurti në një konferencë për shtyp tregoi se qëndrimi dhe kërkesa e ambasadorëve ka qenë që vendimi për targat të shtyhet për më shumë muaj, megjithatë ka treguar se s’kanë qenë të njoftuar për planin dhe propozimin e Qeverisë së Kosovës.

“Natyrisht që qëndrimi, ideja e tyre ka qenë që gjithçka të spostohet në kohë për më shumë muaj, por ne besojmë që kjo është zgjidhja më e mirë”, u shpreh kryeministri.

Kurti gjithashtu tregoi se ambasadorët në këtë takim kanë thënë se iu nevojitet të konsultohen me qendrat e tyre për të dhënë mendimin për propozimin e Qeverisë së Kosovës.

“Ata natyrisht që nuk e dinin këtë propozim paraprakisht, patën disa pyetje dhe më pas thanë që iu nevojitet të konsultohen me kryeqytetet e tyre, me kryeqendrat e tyre, për ta dhënë mendimin lidhur me këtë vendim tonin”, tha Albin Kurti.

Vendimi i marrë sot nga qeveria parasheh që deri në prill të vitit të ardhshëm, qytetarët që bartin targa ilegale të qortohen e të gjobiten, deri sa të futet në fuqi vendimi i ri për heqjen e plotë të përdorimit të këtyre targave./gazetametro.net

Ambasadorët e QUINT’it dalin nga objekti i Qeverisë

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë