Loading…

Kurti shpreh ngushëllime për vdekjen e ish komandantit të KFOR’it, gjeneralit Klaus Reinhardt

  • 03/12/2021 | 08:41

Kurti shpreh ngushëllime për vdekjen e ish komandantit të KFOR’it, gjeneralit Klaus Reinhardt

Kryemnistri i Kosovës, Albin Kurti, ka shprehu ngushëllimety për vdekjen e ish komandantit të KFOR-it, gjeneralit Klaus Reinhardt, shkruan Gazeta Metro.


Në telegramin drejtuar ambasadorit të Gjermanisë, Kurti thotë se roli i gjeneralit Reinhardt në vendosjen e paqes dhe ruajtjen e sigurisë menjëherë pas luftës në Kosovë është i pamohueshëm.

Gjenerli Klaus Reinhardt i cili ndërroi jetë dje kishte shërbyer në Kosovë gjatë luftës më 1999. Reinhardt është dekoruar nga Ish Presidenti i Kosovës Hashim Thaçi.

Telegram ngushëllimi i kryeministrit Kurti:

I nderuar ambasador,

Me pikëllim të thellë mora lajmin për ndarjen nga jeta të ish-komandantit të KFOR-it, gjeneralit Klaus Reinhardt.

Vdekja e tij është humbje jo vetëm për familjen, miqtë e bashkëpunëtorët e tij, por edhe për popullin tonë, sepse gjenerali Reinhardt ishte afër nesh dhe na ndihmoi shumë në vitet e para dhe të rënda të pasluftës.

Roli dhe kontributi i gjeneralit Reinhardt në ruajtjen e paqes e sigurisë në vitet 1999-2001 është i pamohueshëm.

Gjenerali Reinhardt udhëhoqi me përgjegjësinë më të lartë misionin më të madh ushtarak të NATO-s prej 50 mijë trupash sa ishin të vendosura atëherë në Kosovë.

Edhe pse ushtarak, gjenerali Reinhardt e kuptonte shumë mirë kontekstin historik e politik të Kosovës.

Ai bashkëndjente me problemet e popullit që atëkohë përpiqej të rindërtonte jetën në shtëpitë e pronat e djegura dhe të shkatërruara nga forcat policore e ushtarake të Serbisë.

Përveç ndihmës në rindërtimin e shtëpive e shkollave, gjenerali Reinhardt dha kontribut edhe në ndërtimin dhe konsolidimin e institucioneve qeverisëse të Kosovës.

Ju shpreh ngushëllimet më të sinqerta familjes dhe miqve të z. Reinhardt, ushtrisë gjermane dhe forcave paqeruajtëse të NATO-s në Kosovë.

Populli dhe shteti i Kosovës do t’i kujtojë përherë me respekt e mirënjohje angazhimin, kontributin dhe humanizmin e gjeneralit Reinhardt./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë