Loading…

Kurti takohet me miqtë: Ambasadores së Norvegjisë i thotë se qeveria e tij ka besueshmëri të lartë

  • 09/11/2021 | 15:01

Kurti takohet me miqtë: Ambasadores së Norvegjisë i thotë se qeveria e tij ka besueshmëri të lartë

Bashkëpunimi ndërmjet Kosovës dhe Norvegjisë ishin tema e takimit të sotëm ndërmjet kryeministrit Albin Kurti dhe Kristin Melson, drejtoreshë për Evropën Juglindore nga Ministria e Punëve të Jashtme të Norvegjisë.


Kryeministri Kurti tha se ndryshimet demokratike në këtë fillim vit kanë sjellë përfitime të gjithmbarshme.

“Tashmë kemi stabilitet dhe legjitimitet në institucionet tona, por edhe besueshmëri të lartë qytetare, e cila ka kontribuar në rritjen e investimeve, të të hyrave dhe ekonomisë, dhe si rezultat rritjen e punësimit. Qytetarët duan zhvillim e drejtësi, andaj këta indikatorë pozitivë të ekonomisë duhet të shoqërohen me indikatorë pozitivë edhe në drejtësi, e cila duhet të jetë efikase”, tha ai.

Në takim u bisedua për zhvillimin e kapaciteteve njerëzore dhe planet e Qeverisë për “kthimin e trurit”. Lidhur me këtë, Kurti e njoftoi Melson për mekanizmin, që do të themelojë Qeveria “Fondi i Ekselencës”, për të cilin edhe kërkoi mbështetje.

Në takimin e përbashkët me Përfaqësuesin special për Ballkanin Perëndimor, Arne S. Bjornstad dhe ambasadorin e Norvegjisë në Kosovë, Jens Erik Grondahl, u bisedua edhe për gjendjen me pandeminë.

“Në kohën kur i gjithë rajoni po përjeton një fluks të rasteve të reja me koronavirus, Kosova po dëshmon se ka menaxhuar mirë pandeminë, duke ruajtur edhe shëndetin e qytetarëve edhe të ekonomisë”, tha Kurti duke shtuar se Kosova mbetet vendi me mesataren më të lartë të vaksinimit në rajon.

Duke folur për çështjet rajonale dhe dialogun, kryeministri Kurti tha se Kosova është kontribuuese e paqes dhe sigurisë në rajon. Ai ritheksoi përkushtimin për bashkëpunim e integrim ekonomik brenda agjendës evropiane dhe me pjesëmarrje të drejtpërdrejtë të Bashkimit Evropian.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë