Loading…

Kurti takohet me senatorin Bob Menendez, diskutojnë për anëtarësimin në NATO

  • 20/05/2022 | 15:26

Kurti takohet me senatorin Bob Menendez, diskutojnë për anëtarësimin në NATO

Kryeministri i Kosovës, Albin Kurti, është takuar me kryetarin e Komisionit të Senatit të Shteteve të Bashkuara të Amerikës për Marrëdhënie me Jashtë, senatorin Bob Menendez, transmeton Gazeta Metro.


Me anë të një komunikate për media, tregohet se tema kryesore të diskutimit kanë qenë rëndësia e anëtarësimit të Kosovës në NATO dhe përkushtimi afatgjatë për siguri dhe paqe i Kosovës.

“Kryeministri Kurti takoi Kryetarin e Komisionit të Senatit të Shteteve të Bashkuara për Marrëdhëniet me Jashtë, senatorin Bob Menendez. Përkushtimi afatgjatë për siguri dhe paqe i Republikës së Kosovës, si dhe rëndësia e anëtarësimit të Kosovës në NATO, ishin temat kryesore në takimin ndërmjet Kryeministrit të Republikës së Kosovës, Albin Kurti me senatorin amerikan, Bob Menendez, njëherit Kryetar i Komisionit të Senatit të Shteteve të Bashkuara për Marrëdhëniet me Jashtë”, thuhet përveç tjerash në komunikatë.

Tutje shtohet se, në takim Kurti ka ritheksuar solidarizimin e Kosovës me popullin e Ukrainës, duke u rreshtuar përkrah SHBA-ve dhe BE-së në vendosjen e sanksioneve kundër Rusisë.

Më poshtë komunikata e plotë:

Kryeministri Kurti takoi Kryetarin e Komisionit të Senatit të Shteteve të Bashkuara për Marrëdhëniet me Jashtë, senatorin Bob Menendez

Përkushtimi afatgjatë për siguri dhe paqe i Republikës së Kosovës, si dhe rëndësia e anëtarësimit të Kosovës në NATO, ishin temat kryesore në takimin ndërmjet Kryeministrit të Republikës së Kosovës, Albin Kurti me senatorin amerikan, Bob Menendez, njëherit Kryetar i Komisionit të Senatit të Shteteve të Bashkuara për Marrëdhëniet me Jashtë.

Kryeministri Kurti shprehu mirënjohjen për mbështetjen dhe përkrahjen e Shteteve të Bashkuara të Amerikës, si partner i pazëvendësueshëm i Republikës së Kosovës. Në veçanti për ndihmën me trajnime e pajisje për ndërtimin dhe zhvillimin e Forcës së Sigurisë së Kosovës. Duke i falënderuar për këtë bashkëpunim që vazhdon ende, kryeministri theksoi se Kosova e mirëpret përkrahjen e mëtejme.

Në takim u bisedua për objektivat e përbashkëta, për ta bërë Forcën e Sigurisë së Kosovës forcë moderne, që është e gatshme për mbrojtjen e vendit dhe kontributdhënëse për paqen, sigurinë dhe stabilitetin rajonal e global. Kryeministri Kurti theksoi solidarizimin e Republikës së Kosovës me popullin e Ukrainës, duke u rreshtuar përkrah Shteteve të Bashkuara të Amerikës dhe Bashkimit Evropian në vendosjen e sanksioneve kundër Rusisë. Ai e njoftoi për ofrimin e strehimit dhe kushteve për punë për 20 gazetarë të Ukrainës dhe mundësinë që të strehojmë deri në 5.000 refugjatë.

U diskutua edhe për progresin demokratik e socio-ekonomik në një vit të qeverisjes dhe punën e angazhimin e Qeverisë së Republikës së Kosovës për të fuqizuar sundimin e ligjit, për luftimin e kontrabandës, krimit dhe të korrupsionit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë