Loading…

Kurti thotë se asnjë zyrtar amerikan s’e kërkon Asocacionin në qendër të marrëveshjes me Serbinë

  • 19/05/2022 | 18:51

Kurti thotë se asnjë zyrtar amerikan s’e kërkon Asocacionin në qendër të marrëveshjes me Serbinë

Kryeministri i Kosovës, Albin Kurti, tha se nuk do të pranojë një Asociacion të komunave me shumicë serbe në formën që është, meqë këtë version e hodhi poshtë në shumë pika Gjykata Kushtetuese.


Ai tha se marrëveshja me Serbinë duhet të jetë e përqendruar rreth njohjes reciproke dhe jo Asociacionit dhe në këtë drejtim thotë se është në linjë me SHBA-në.

“Asociacioni s’e ka kaluar testin e Gjykatës. Mund të ketë Asocacion, por jo mbi baza etnike. Në mënyrën se si është në frymën si është, jo. Duhet ta keni parasysh se në qendër nuk është Asocacioni, por njohja reciproke. S’e thotë asnjë zyrtar amerikan që Asocacioni duhet të jetë në qendër”.

Kurti ka thënë se Kosova është në rregull në dialogun me Serbinë, por kjo e fundit jo me mohim të Masakrës së Reçakut dhe refuzim të njohjes së pavarësisë së Kosovës.

“Kosova s’ka bërë hapa pas [në dialog], por Serbia e cila ka ngelur pas meqë s’i pranon krimet që i ka kryer. Unë jam i gatshëm, Serbia s’është dhe s’ka kurrfarë faji asnjë instancë e shtetit të pavarur të Kosovës”.

Kurti tha se edhe presidenti Biden e ka formuluar mirë se në qendër duhet të jetë njohja reciproke. Ai gjithashtu shtoi se në të kaluarën Kosova ka bërë koncensione për të marrë njohjen nga Serbia, por se kjo s’ka ndodhur për 10 vjet.

“Ne dëshirojmë të kemi normalizim dhe dialog për marrëveshje, jo dialog për dialog”.

Kurti për Zërin e Amerikës ka thënë se vizita e tij në SHBA ka dy qëllime kryesore; tërheqjen e investimeve nga Amerika dhe shtimin e sigurisë së Kosovës, sidomos nga SHBA.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë