Loading…

Kurti viziton Rahovecin në ditën kur nuk lejohet fushata: Kandidati e përgëzon për arritjet si kryeministër

  • 16/10/2021 | 19:05

Kurti viziton Rahovecin në ditën kur nuk lejohet fushata: Kandidati e përgëzon për arritjet si kryeministër

Kandidati i Lëvizjes Vetëvendosje për kryetar të Rahovecit, Visar Korenica, nuk ka hezituar që në ditën e heshtjes zgjedhore të takohet me kryeministrin Kurti, duke bërë kështu edhe fushatë në ditën ku partive u ndalohet aktivitetet që kanë të bëjnë me fushatë elektorale, shkruan Gazeta Metro.


Këtë e bëri të ditur vetë Korenica përmes një postimi në Facebook, derisa lavdëroi kryeministrin për punët që ka bërë në krye të ekzekutivit.

Ai gjithashtu përmendi edhe zgjedhjet në këtë komunë që do mbahen nesër, derisa tha se bashkë me Kurtin shijuan bukurinë e vjeshtës rahoveciane.

‘’ Kryeministri Albin Kurti në Rahovec e ka konakun!

Kisha kënaqësië të pres në Rahovec me bartësin e listës, Leonard Morina – Kryeministrin e Kosovës, Albin Kurti.

Së bashku shijuam bukurinë e vjeshtës rahoveciane para procesit vendimtar elektoral që mbahet të dielën.

Përgëzova kryeministrin për punën e shkëlqyer në qeverisjen e vendit, duke mbetur të përkushtuar në ç’rrënjosjen e krimit dhe korrupsionit, e të vendosur për ta zhvilluar vendin.

Faleminderit Kryeministër!’’, shkroi Korenica.

Por jo vetëm në Rahovec, Kurti sot u pa edhe në Prizren bashkë me eskortën e tij që bllokoi tërë komunikacionin, duke bërë kështu që kjo të cilësohet si shkelje e heshtjes zgjedhore./gazetametro.net

 

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë