Kush po i bën sondazhet natën në Drenas?

Qytetarët e Drenasit, kanë shprehur shqetësimin për telefonatat që dikush po iu bën lidhur me zgjedhjet që do të mbahen të dielën në këtë Komunë.

Sipas tyre, persona që nuk janë prezantuar se çfarë organizate përfaqësojnë, kanë pyetur se për cilën parti politike do të votojnë.

Lidhur me këtë ka reaguar Instituti Demokratik i Kosovës, duke thënë se (KDI), nuk qëndron prapa kësaj.

“Instituti Demokratik i Kosovës (KDI), organizata udhëheqëse e rrjetit të OJQ-ve për monitorim të zgjedhjeve Demokracia në Veprim (DnV), njofton opinionin publik se nuk është duke zhvilluar asnjë hulumtim të opinionit publik lidhur me zgjedhjet e jashtëzakonshme për kryetar të Komunës së Drenasit”.

Ky reagim vjen pas informatave nga terreni se janë duke u realizuar telefonata për të matur preferencat politike të votuesve që thirren në emër të KDI-së./gazetametro.net