Kushtetuesja po dëshmon integritet, nuk lejoi ‘kapje’ të Prokurorisë

Drejtësia e pavarur është bazament i funksionimit të shtetit dhe shoqërisë demokratike. Gjykata Kushtetuese me vendimin me të cilin e shpallë jo kushtetues në tërësinë e tij Ligjin për Këshillin Prokurorial të Kosovës, dëshmoi integritet, përkundër se ligji ishte bërë me shumë pompozitet nga pushteti aktual.

Shkruan: Ramiz Lladrovci

Tendencat e këtij pushteti për ndërhyrje, politizim e “kapje” të çdo pore të shoqërisë, tashmë janë bërë metodë pune dhe qëllim.

Drejtësia e pavarur dhe efikase është bazament i funksionimit të shtetit dhe shoqërisë demokratike. E për drejtësi të pavarur dhe të pandikuar duhet përgëzuar për profesionalizëm e integritet gjyqtarët e Gjykatës Kushtetuese.

Pushtetit të sotëm e opozitës së djeshme dhe të nesërme, vetëm kështu mund t’i bëhet e qartë se institucionet e pavarura dhe vitale të shtetit tonë nuk mund të politizohen e as të “kapen”.