Kushtetuesja s’pyet për tekat e Likës, ia rrëzon kërkesën ish-presidentit

Gjykata Kushtetuese në Shqipëri nuk ia ka aprovuar vendimin ish-presidentit të Shqipërisë, Ilir Meta, transmeton Gazeta Metro.

Kushtetuesja shpalli vendimin për çështjen e ish-presidentit, i cili kërkon shfuqizimin e vendimit të 3 gjykatave të tjera për masën e sigurisë arrest në burg, duke e hedhur poshtë me shumicë votash.

Meta ka ngritur si pretendim edhe mënyrën si u ekzekutua masa e sigurimit, por sipas Kushtetueses ish-presidenti këtë argument e ka parashtruar edhe në gjykatat e tjera, dhe sipas gjykatës ai ka bërë kallëzim për kryerjen e veprimeve arbitrare në prokurorinë e Tiranës dhe çështja është nën hetime, siç raporton Top Channel.

Për këtë çështje Gjykata Kushtetuese me shumicë votash nuk e mori nën shqyrtim këtë pikë, duke qenë se nuk janë shprehur gjykatat e tjera./gazetametro.net