Rreth takimit në javën e ardhshme me të dërguarin e posaçëm të Bashkimit Evropian për dialogun Kosovë-Serbi, Miroslav Lajçak, dhe të dërguarin e posaçëm të SHBA-së për Ballkanin Perëndimor, Gabriel Escobar, për të diskutuar rreth mundësive për organizimin e zgjedhjeve të parakohshme në komunat në veri të vendit, kryeministri Kurti ka dhënë më shumë informacione në një intervistë për NBC News.
Kurti tha se për t’u mbajtur zgjedhjet “fillimisht banditët që shkaktuan dhunë duhet të kthehen në Serbi, ose të arrestohen në Kosovë”, duke shtuar se këto zgjedhje duhen të jenë demokratike.
“Është e qartë se kryetarët e rinj që fituan zgjedhjet nuk e kanë legjitimitetin e mjaftueshëm për shkak të pjesëmarrjes së vogël të votuesve në zgjedhje. Ne kemi bërë thirrje që të gjithë të marrin pjesë, por Beogradi u ka bërë thirrje qytetarëve serbë që t’i bojkotojnë zgjedhjet e 23 prillit”.
“Nuk e përjashtoj mundësinë për zgjedhje të parakohshme, por ato duhet të jenë fer, demokratike dhe të lira…Ne duhet ta ndalojmë Beogradin në mënyrë që të mos i bullizojë serbët e Kosovës, ata duan të votojnë”, ka shtuar Kurti.
WATCH: Kosovo Prime Minister Kurti says Serbia wants to “destabilize” his country.@albinkurti: “Belgrade is in search for time machine. … They want to go prior to the year 2008 when we declared independence and … 1999 when we got liberated.” pic.twitter.com/S4bP3OeUqj
— Meet the Press (@MeetThePress) June 2, 2023