Loading…

Ky është reagimi i Ramush Haradinajt, pasi Thaçi udhëtoi për intervistim në Hagë

  • 13/07/2020 | 11:20

Ky është reagimi i Ramush Haradinajt, pasi Thaçi udhëtoi për intervistim në Hagë

Kryetari i AAK’së, Ramush Haradinaj tha se e vlerëson gatishmërinë e Presidentit të Kosovës, Hashim Thaçi, që t’I përgjigjet ftesës për intervisim nga Gjykata Speciale, shkruan Gazeta Metro.


Haradinaj, tha se shqiptarët kanë bërë luftë të pastër e të drejtë, duke mbrojtur pragun e shtëpisë, dinjitetin dhe atdheun.

‘’Shqiptarët kanë bërë luftë të pastër dhe të drejtë, në mbrojtje të pragut të shtëpisë, dinjitetit dhe Atdheut’’, shkroi Haradinaj.

Ai shtoi se asnjëherë nuk I kanë ikur ballafaqimit me drejtësinë, pa marrë parasysh pozitat shtetërore që kanë pasur.

‘’ Nuk ekziston asnjë gjyq që mund ta gjykojë përpjekjen e një populli për të jetuar si gjithë të tjerët të lirë në tokën e vet’’, shkroi ndër të tjera Haradinaj.

Ky është postimi I plotë:

‘’ Shqiptarët kanë bërë luftë të pastër dhe të drejtë, në mbrojtje të pragut të shtëpisë, dinjitetit dhe Atdheut. Në çdo rrethanë përgjatë tërë historisë, kemi dëshmuar pjekuri, guxim, mikpritje e bashkëpunim, e këtë e dëshmon edhe gatishmëria jonë anipse nga pozita e viktimës, t’i përgjigjemi thirrjeve të drejtësisë sado të pa drejta qofshin ato.

E vlerësoj lartë gatishmërinë e presidentit Thaçi që t’i përgjigjet pozitivisht ftesës për intervistim nga Gjykata Speciale. Lufta e popullit shqiptar, të rreshtuar përkrah UÇK-së ishte e drejtë, vlera e së cilës, pavarësisht përpjekjeve për ta dëmtuar, nuk do t’i humbë as sot, e as kurrë. Nuk i kemi ikur asnjëherë ballafaqimit me drejtësinë sa herë ajo e ka kërkuar këtë, pa marrë parasyshë pozitat tona shtetërore, i jemi përgjigjur dhe do t’i përgjigjemi.
Nuk ekziston asnjë gjyq që mund ta gjykojë përpjekjen e një populli për të jetuar si gjithë të tjerët të lirë në tokën e vet.

RH’’./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë