Loading…

Ky shtet po përjashton nga parlamenti deputetët që nuk janë vaksinuar

  • 12/11/2021 | 22:46

Ky shtet po përjashton nga parlamenti deputetët që nuk janë vaksinuar

Ligjvënësit letonez të pavaksinuar nuk do të lejohen të marrin pjesë në parlament në një përpjekje për të parandaluar përhapjen e COVID-19.


Pas një vendimi të Asamblesë Popullore, Saeima në Riga, anëtarët e parlamentit dhe të këshillave bashkiakë në vendin e BE-së do të duhet të paraqesin një çertifikatë vaksinimi nga 15 nëntori e tutje.

Çertifikata vërteton vaksinimin e individëve kundër koronavirusit ose shërimin e tyre nga infeksioni.

Rregullorja, e miratuar të premten dhe e vlefshme deri më 1 korrik, zbatohet si për takimet ballë për ballë po ashtu edhe për takimet dixhitale. Ajo parashikon gjithashtu pezullimin e kompensimeve parlamentare për ligjvënësit që nuk janë në gjendje të punojnë në parlament, raporton ATSh.

Sipas një raporti, 91 nga 100 anëtarë të parlamentit kombëtar dhe 696 nga 758 anëtarë të këshillave bashkiakë janë të pajisur me një çertifikatë vaksinimi.

62 ligjvënës votuan pro ligjit, me shtatë vota kundër dhe dy abstenime.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë