Lajm i mirë: FSK arrin ta shpëtoj edhe nënën e fëmijës dy vjeçar

Forca e Sigurisë së Kosovës ka arritur që ta nxjerrë nga rrënojat edhe nënën e fëmijës dy vjeç që u shpëtua më parë sot, shkruan Gazeta Metro.

Ekipet e Kërkim-Shpetimit të FSK’së pas shumë përpjekjeve kanë arritur që ta nxjerrin të gjallë nga gërmadhat edhe nënën e fëmijës.

FSK ka konfirmuar se operacioni disaorësh, ka përfunduar me sukses.

“Nxirret e gjallë edhe nëna e fëmijës dy vjeçar nga ekipet e FSK’së. Pas shumë përpjekjeve nga ekipet e Kërkim-Shpëtimit të Forcës së Sigurisë së Kosovës, ato kanë arritur ta nxjerrin nga rrënojat edhe nënën e fëmijës dy vjeçar”, thuhet në njoftim.

FSK ka shprehur vendosmëri që ta vazhdojë operacionin e kërkim-shpëtimit deri në nxjerrjen e qytetarit të fundit nga rrënojat.

“Operacionet e Kërkim-Shpëtimit do të vazhdojnë deri sa të nxirret edhe qytetari i fundit nga rrënojat, motivi i ushtarakëve nga Kosova është i lartë, profesionalizmi dhe disiplina po japin rezultate”, thuhet në fund./gazetametro.net

Momenti kur FSK e nxjerr fëmijën dy vjeç nga gërmadhat, njëri nga ushtarët e përqafon