Loading…

Lajmërohet Kurti pas njohjes nga Izraeli: E mirëpresim lajmin e mirë të zyrtarizimit të lidhjeve diplomatike

  • 01/02/2021 | 19:29

Lajmërohet Kurti pas njohjes nga Izraeli: E mirëpresim lajmin e mirë të zyrtarizimit të lidhjeve diplomatike

Kryetari i Lëvizjes Vetëvendosje, Albin Kurti, e ka përshëndetur zyrtarizimin e njohjes diplomatike të Kosovës nga Izraeli, njohje kjo obligative në kuadër të Marrëveshjes së Uashingtonit.


Kurti, me anë të llogarisë së tij zyrtare në ‘Twitter’ ka thënë se shpreson në thellim të bashkëpunimit të politikave me shtetin e Izraelit.

“E mirëpresim lajmin e mirë të zyrtarizimit të lidhjeve diplomatike ndërmjet Republikës së Kosovës dhe shtetit të Izraelit. Shpresojmë në thellimin e bashkëpunimit politik, ekonomik dhe kulturor”, ka deklaruar tutje kreu i VV’së.

Kosova dhe Izraeli sot kanë zyrtarizuar njohjen e ndërsjellë. Ministri i Jashtëm i Izraelit, Gabi Ashkenazi është lajmëruar nga Jerusalemi në ceremoninë virtuale të zyrtarizimit të kësaj njohjeje.

Pas deklaratave ku ai dhe ministrja e Jashtme e Kosovës, Meliza Haradinaj-Stublla e kanë falenderuar e uruar njëri-tjetrin, Ashkenazi e ka zbuluar pllakën me mbishkrimin “Ambasada e Republikës së Kosovës në Jerusalem, Izrael”.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë