Loading…

Lana del Rey ka gati një album të ri: I tëri me këngë “country”

  • 22/02/2021 | 19:49

Lana del Rey ka gati një album të ri: I tëri me këngë “country”

Ylli i hitit “Video Games”, Lana Del Rey, e ka realizuar një album me muzikë country.


Këngëtarja e cila pret skepticizëm nga ana e publikut rreth ndryshimit të zhanrit muzikor me këtë projekt, i ka realizuar disa këngë ‘cover’ të muzikës country të cilat i ka përmbledhur në një album, si dhe një përmbledhje tjetër të këngëve folklorike të cilat pritet t’i lansojë së shpejti.

Del Rey me këmbëngulje thotë se në muzikën e saj gjithmonë ka ekzistuar tingulli i muzikës country.

“U ktheva prapa dhe i dëgjova këngët e vjetra si ‘Ride’ dhe ‘Video Games’ dhe mendova me vete, ‘ato tingëllojë paksa country’. Dua të them, ato definitivisht nuk janë këngë të zhanrit pop. Prandaj, të shohim si do të dalë ky projekt”, ka deklaruar këngëtarja për revistën “MOJO”.

Muajin e kaluar, Del Rey e lansoi videoprojektin e radhës me titull, “Chemtrails Over The Country Club”, që është kënga kryesore e albumit të ri dhe të shumëpritur nga publiku. Ajo gjithashtu i ka ngacmuar fansat në Instagram me një postim të ri,

Së fundmi, ylli i hitit “Young and Beautiful” e bëri të ditur lajmin se albumi i saj i ri, do të lansohet më 19 mars të këtij viti. Ajo po ashtu I ka ngacmuar fansat në rrjetet sociale me paralajmërimin e një këngë të re, të quajtur “White Dress”.

 

View this post on Instagram

 

A post shared by Lana Del Rey (@lanadelrey)

Tutje në intervistën për revistën muzikore “MOJO”, këngëtarja 35-vjeçare deklaroi se gjithmonë do ta kujtojë ditën kur i pranoi vlerësimet e para rreth muzikës së saj, pasi pas vdekjes së idhullit, Amy Winehouse, ajo nuk dëshironte të këndonte më.

Pavarësisht kësaj, Lana e vazhdoi karrierën muzikore duke u shndërruar në një prej artisteve më të veçanta dhe më fitimprurëse në tregun muzikor, e cila shquhet për the të tilla si “Born To Die”, “Blue Jeans”, “Summertime Sadness”, “High By The Beach” dhe të tjerë.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë