Laura Fazliu kalon në finale të Grand Prix Upper Austria

Xhudistja nga Kosova, Laura Fazliu, ka arritur të kualifikohet në finale të turneut Grand Prix Upper Austria, pas një serie fitoresh bindëse gjatë garës.

Fazliu ishte e lirë në xhiron e parë, ndërsa në xhiron e dytë triumfoi me Ippon ndaj Leila Mazouzi nga Sllovenia.

Në çerekfinale, xhudistja kosovare mposhti me Wazaari garuesen kroate Nina Cvjetko, duke siguruar kështu kalimin në gjysmëfinale.

Në gjysmëfinale, Fazliu vazhdoi me paraqitje të fortë duke e mposhtur me Ippon xhudisten gjermane Sara-Joy Bauer.

Njëherësh, në finale, Fazliu do të përballet me kampionen braziliane Rafaela Silva.