LDK me fushatë për mosrrëzimin e qeverisë, ‘#meIsaMustafën’

Java e ardhshme, mund të jetë e fundit për liderin e LDK’së, në krye të qeverisë së Kosovës.

Për të mërkurën është caktuar seanca e Kuvendit ku do të votohet nëse Mustafa e ka mbështetjen e deputetëve për të vazdhuar qeverisjen e tij, apo vendi të shkojë në zgjedhje të parakohshme, shkruan gazetametro.net.

Gjithashtu, gjatë javës së ardhshme është paraparë edhe procedimi në Kuvend i Demarkacionit, marrëveshje kjo me Malin e Zi, që është bërë shkaktari kryesor që LDK të mos arrijë të e kryej deri në fund mandatin qeverisës të dalë nga zgjedhjet parlamentare të vitit 2014.

Megjithatë, në LDK janë duke i bërë përpjekjet e fundit, që të pengojnë rrëzimin e Qeverisë.

Nga mbrëmë në rrjetin social Facebook, ka filluar një fushatë e aktivistëve të LDK’së, me moton “#meIsaMustafën”. Nëse bën një kërkim të kësaj motoje, në Facebook, të shfaqen qindra të tilla, që vërehet se kanë filluar nga mbrëmë, dhe po vazhdojnë edhe sot. /gazetametro.net