Loading…

LDK nuk ndryshon qëndrim: Kërkon 5 ministri, Kryeparlamentarin dhe Presidentin

  • 26/01/2020 | 18:00

LDK nuk ndryshon qëndrim: Kërkon 5 ministri, Kryeparlamentarin dhe Presidentin

Lidhja Demorkatike e Kosovës nuk ka ndryshuar qëndrim sa i përket kërkesave për koalicion me VV’në, ku pret që pesë ministri, Kryeparlamentari dhe Presidenti t’i takojnë asaj, ani pse partia e Albin Kurtit ka një ofertë tjetër, shkruan Gazeta Metro.


Përmes një shkrimi në rrjetin social Facebook, Haziri ka lënë të kuptohet se partia e tij nuk do të ndryshojë qëndrim për programin qeverisës, ku sipas tij, VV duhet të jetë udhëheqëse e Qeverisë e LDK e parlamentit.

“Një ndarje e drejtë dhe e balancuar e pushtetit mbi parimet e mirëbesimit do të bënte që programi qeverisës, me VV’në udhëheqëse të Qeverisë e LDK’në udhëheqëse të Parlamentit, do t’i jepnin fuqi koalicionit”, ka shkruar ai.

Tutje, Haziri ka apeluar tek qytetarët që të kenë edhe pak durim, pasi që konsultimet e brendshme mundësojnë eleminimin e pengesave.

“Apeloj që të kemi edhe pak durim, sepse këto konsultimet e brendshme na mundësojnë që të eliminojmë çdolloj pengese dhe çdolloj bombe të kurdisur të mandatit 4+”, shkroi ai.

Ndryshe, dje në media qarkulluan raportime se VV i ka ofruar LDK’së 7 ministri, në mënyrë që Glauk Konjufca të mos shkarkohet nga posti i kryeparlamentarit, si dhe partia e Mustafës të marrë presidentin në 2021.

Ndërkaq, Albin Kurti ka kohë deri sonte në mesnatë që të vendosë rreth koalicionit qeverisës, sipas ultimatumit që Isa Mustafa i dha në fillim të kësaj jave./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë