Loading…

Lekaj: E përkrahim projektligjin, s’ka shtet pa ushtri

  • 08/03/2017 | 19:12

Lekaj: E përkrahim projektligjin, s’ka shtet pa ushtri

Kryetari i Grupit Parlamentar të Aleancës për Ardhmërinë e Kosovës, Pal Lekaj, ka thënë se Kosova duhet ta formojë ushtrinë e saj, pasi nuk ka shtet pa ushtri.


Lekaj tha se AAK ka qenë çdoherë pro formimit të ushtrisë së Kosovës, duke shtuar se duhet të përkrahet ligji për formimin e Ushtrisë.

“Sa i përket formimit të ushtrisë, Aleanca për Ardhmërinë e Kosovës është shumë e qartë dhe kemi thënë disa herë se nuk ka shtet pa ushtri e saj. Pa i komentuar miqtë e tanë ndërkombëtarë, duhet të përkrahet ligji për formimin e ushtrisë, meqë Serbia nuk do ta jep asnjëherë po-në e saj sa i përket ushtrisë së Kosovës”, ka thënë Lekaj.

I pyetur se si i komenton deklaratat e Ambasadës Amerikane dhe Sekretarit të Përgjithshëm të NATO-s Jens Stoltenberg, të cilët sot gjatë ditës thanë se nuk e përkrahnin formimin e ushtrisë pa ndryshime kushtetuese, Lekaj tha, së pari të shikohen interesat e vendit, njofton lajmi.net

“Ne duhet t’i shohim interesat e vendit duke mos i prishur miqësinë me Shtetet e Bashkuara të Amerikës dhe Bashkimin Evropian. Interesi i qytetarëve të Kosovës dhe i shtetit për ne duhet të jetë primarë”, deklaroi krejt në fund Lekaj.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë