Letra prekëse e vëllai të motoçiklistit që vdiq në aksident

Vëllai i Nicky Hayden, pilotit që ka ndërruar dje jetë në spital ka shkruar një letër shumë prekëse në profilin e tij në Instagram. Roger ka shkruar me dhimbje fjalët e fundit që ka dashur t’ia thotë para se ai ta braktiste.

“Nicky, vëllai im, historia jonë nuk mendonim se do të përfundonte në këtë mënyrë. Ke qenë kampioni i botës për një arsye. Nuk kam takuar asnjë njeri tjetër që kishte dëshirën tënde për të garuar.

Ndanim dhomën bashkë dhe t’i studioje shënimet që kishe mbajtur një garë më parë, ishim 12-13 vjeç. Nuk do ta harroj kurrë mëngjesin e së hënës pasi fitove kampionatin botëror: më zgjove për të shkuar për stërvitje, na bëre të gjithëve më të mirë. Ishe një legjendë i garave vëlla.

Mund të ulem këtu dhe të pyes veten përse ndodhi, por dua të jem mirënjohës që pata një vëlla si ti për 33 vjet. Mos u shqetëso, do të kujdesem për mbesat tona, nuk do kenë një të dashur derisa të jenë në kolegj dhe do t’u mësoj nipave gjithçka që u duhet për të qenë një kampion nëse do të duan të ndjekin rrugën tënde.

Edhe gjatë këtyre momenteve jashtëzakonisht të vështira e kam ruajtur besimin tim, besoj se nëse Zoti dëshiron të të marrë do ta bëj pavarësisht gjithçkaje. Do të garojmë sërish bashkë. Të dua shumë”, shkruan në letrën e tij të lamtumirëse Roger Hayden.

Ish kampioni Nicky Hayden vdiq pasi u godit nga një veturë, derisa po udhëtonte me biçikletë.