Loading…

Liberalizimi i vizave për Kosovën sot në rend dite në takimin e ambasadorëve të BE’së

  • 30/11/2022 | 08:05

Liberalizimi i vizave për Kosovën sot në rend dite në takimin e ambasadorëve të BE’së

Çështja e liberalizimit të vizave për Kosovën sot do të jetë në rend dite në takimin e ambasadorëve të Bashkimit Evropian në Bruksel, grup ky që njihet si Coreper.


Lajmin e kanë konfirmuar për Telegrafin nga Presidenca çeke.

“Po, çështja e liberalizimit të vizave për Kosovën sot është rend dite”, thanë shkurt nga Presidenca çeke.

Në takimin e ambasadorëve të Bashkimit Evropian pritet të mos ketë diskutim por vetëm miratim të vendimit, pasi ditë më parë shtetet janë pajtuar lidhur me tekstin që pritet të miratohet sot.

Çështja e liberalizimit të vizave për Kosovën ishte paraparë të diskutohej më 23 nëntor, por për shkak të situatës lidhur me targat ishte shtyrë për 30 nëntor.

Ndryshe, vendimi për liberalizimin e vizave pritet të hyjë në fuqi më 1 nëntor 2023, ose më largu 1 janar 2024.

Qytetarët e Kosovës janë të vetmit në Evropë që nuk e gëzojnë të drejtën e lëvizjes së lirë, ndonëse Parlamenti Evropian dhe Komisioni Evropian kanë deklaruar se Kosova kaherë i ka përmbushur kriteret për liberalizimin e vizave.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë