Loading…

Liga e Kampionëve: Liverpooli fiton derbin me Atleticon, Milani merr humbjen që mund t’i kushtojë rëndë, Messi shkëlqen me PSG’në

  • 19/10/2021 | 23:01

Liga e Kampionëve: Liverpooli fiton derbin me Atleticon, Milani merr humbjen që mund t’i kushtojë rëndë, Messi shkëlqen me PSG’në

Kanë përfunduar edhe gjashtë ndeshjet tjera të ditës së sotme, pas atyre dy sfidave që u zhvilluan nga ora 18:45 ku City triumfoi ndaj Club Brugge dhe Sportingi ndaj Beshiktashit.

Liverpooli e fitoi sfidën kryesore të kësaj mbrëmjeje duke e mposhtur Atletico Madridin me rezultat 3-2 në “Wanda Metropolitano.

Golat për Liverpoolin i shënuan Salah, Keita dhe Mane, kurse për skuadrën spanjolle dy golat i realizoi sulmuesi Antoine Griezmann i cili më pastaj edhe u ndëshkua me karton të kuq.

Në po të njëjtin grup, Porto e ka mposhtur Milanin me rezultat minimal 1-0 me golin e Luiz Diaz.

Në grupin B kryeson Liverpooli me nëntë pikë, i ndjekur nga Atletico me katër, aq sa ka edhe Porto, kurse Milani vazhdo të mbetet pa pikë pas tri humbjeve dhe e rrezikon tashmë seriozisht vazhdimin edhe më tutje në këtë garë.

Në grupin A PSG e ka mposhtur RB Leipzigun me rezultat 3-2 ku shkëlqeu Messi me dy gola, kurse goli tjetër i francezëve erdhi nga këmbët e Kylian Mbappe.

Real Madridi e ka mposhtur me rezultat të thellë 5-0 Shakhtar Donetskun duke u barazuar kështu me pikë me Sherif Tiraspolin që ka pësuar disfatë përball Interit me rezultat 3-1 në “Giuseppe Meazza”.

Sfida e grupit C ndërmjet Ajaxit dhe Dortmundit është mbyllur me fitoren e holandezëve që kanë triumfuar me rezultat 4-0.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë