Loading…

Lirimin e Haradinajt e kërkon edhe ish-presidenti Sejdiu

  • 09/01/2017 | 18:20

Lirimin e Haradinajt e kërkon edhe ish-presidenti Sejdiu

Arrestimin e liderit të AAK-së Ramush Haradinaj në Francë, nuk ka lënë pa e komentuar edhe ish-presidenti i Kosovës Fatmir Sejdiu.

Përmes një publikimi në rrjetin social Facebook, Sejdiu, arrestimin e Haradinajt e quan shqetësim të qytetarëve të Kosovës dhe përgjithësishtë të gjithë shqiptarëve.

“Aq mē tepër, ky shqetësim rritet kur veprimet e tilla si ky i fundit në Francë janë përseritur disa herë ndaj njerëzve të Kosovës. Këto ndalime po bëhen në bazë të kërkesave të fabrikuara të Serbisë e cila ka tendencë të qëllimshme për destabilizimin e Kosovës dhe kompromitimin e drejtësisë ndërkombëtare”, shkruan Sejdiu.

Sejdiu rikujton pafajësine Haradinajt nga drejtësia ndërkombëtare dhe çuditët me një veprim të tillë nga Franca, me kërkesat serbe.

“Është kohë e fundit të mbizotërojë arsyeja te institucionet ndërkombëtare (Interpol dhe Europol) dhe të hedhin anash kërkesat e llojit të tillë që i adreson Serbia ndaj qytetarëve të Kosovës. Në këtë drejtim edhe institucionet relevante te Francës duhet të veprojnë duke e liruar z. Haradinaj”, shkruan tutje Sejdiu./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë