Loading…

Lirohet Faik Fazliu, Klinaku thotë se janë faktet se ndaj tij u ushtrua dhunë

  • 06/06/2021 | 14:30

Lirohet Faik Fazliu, Klinaku thotë se janë faktet se ndaj tij u ushtrua dhunë

Anëtari i Kryesisë së OVL-UÇK-së, Faik Fazliu është liruar pas arrestimit që iu bë mbrëmë në një kafiteri në rajonin e Prizrenit.


Lajmin për lirimin e tij e ka bërë të ditur u.d së Kryetarit të OVL-UÇK-së, Faton Klinaku.

“Ju informoj se sapo u lirua ish kreu i OVL UÇK-së, Faik Fazliu. Gjykata tani i ka edhe faktet me video, të ushtrimit të dhunës ndaj tij gjatë arrestimit”, ka shkruar ndër të tjera Klinaku.

Pak orë më parë nga Policia e Kosovës është theksuar se pas intervistimit, me urdhër të prokurorit Fazliu është dërguar në mbajtje për 48 orë.

“I dyshuari F.F i lindur në vitin 1977, ka kanosur verbalisht personin zyrtar gjatë kryerjes së detyrë zyrtare. Zyrtarët policorë po asistonin në kontrollimin e një lokali (kafiteri), së bashku më inspektorët e AUV-it, lidhur me mosrespektimin e masave antiCOVID19”, u tha në përgjigjen e policisë.

Gjithashtu u theksua se i dyshuari është shoqëruar në stacionin policor në Prizren.

“I dyshuari është intervistuar nga hetuesi kujdestar dhe me aktvendim të Prokurorit, iniciohet rasti për “Kanosje ndaj personit zyrtar” dhe i dyshuari ndalet në mbajtje për 48 orë. Rasti është nën hetime”.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë