Lladrovcit ia ndalin rrymën për dy orë

Edhe pse KEDS, gjatë ditës së premtë ka bërë të ditur se për festën e Vitit të Ri,me 31 dhjetor nuk do të këtë ndërprerje të energjisë elektrike.

Zëdhënësi i KEDS’it Viktor Buzhala, i kontaktuar nga Gazeta Metro, kishte thënë se KEDS-i është i përgaditur dhe se  nuk do të këtë reduktime për festën e Vitit të Ri.

Por, kjo gjë nuk ndodhi. Qytetarët edhe për 31 dhjetor, duhet të ndezin qirinjë, pasi që KEDS, vazhdon me reduktime për orë të tëra.

Në komunën e Drenasit, gjegjësisht në fshatin e kryetarit të kësaj komune Ramiz Lladrovci, për dy orë të tëra nuk ka pasur energji elektrike.

Ndërsa, njoftohet se edhe në pjesë të tjera ka pasur reduktime./gazetametro.net.