Lukaku një hap larg Fenerbahçes, belgu ka dhënë aprovimin

Romelu Lukaku mund të jetë shumë afër një aventure të re në futbollin turk, pasi Fenerbahçe ka ndërmarrë hapa konkretë për transferimin e tij.

Klubi nga Stambolli ka paraqitur ofertë prej 6 milionë eurosh për Napolin, ndërsa sulmuesi belg tashmë ka dhënë dritën jeshile për kushtet personale të kontratës, sipas gazetarit Fabrizio Romano.

Marrëveshja mes Lukakut dhe Fenerbahçes duket se është pranë finalizimit, ndërsa tani vëmendja është te negociatat mes dy klubeve për të mbyllur transferimin.

Fenerbahçe e sheh 32-vjeçarin si një përforcim të rëndësishëm për repartin e sulmit dhe po punon për ta kompletuar marrëveshjen në ditët në vijim.