Lunacek: Pa demarkacion nuk ka viza

Raportuesja për Kosovën në Parlamentin Evropian e cila po qëndron sot në Kosovë, gjatë një konferencë për media ka përsëritur mesazhin që thotë t’ua ketë drejtuar edhe politikanëve të Kosovës gjatë takimeve të mbajtura gjatë ditës, raporton koha.net.

“Mesazhi im është se duhet lëvizur drejt plotësimit të kushteve. Ju lutëm bëni çfarë duhet të bëni për të kryer këtë proces, për të përmbushur zotimet që keni dhënë, dhe në marrëveshjet që keni nënshkruar”, ka thënë Lunacek.

Ajo ka folur specifikisht edhe për problemin e marrëveshjes së demarkacionit duke thënë se nëse ajo nuk ratifikohet, liberalizimi i vizave humbet definitivisht.

“Nënshkrimi i marrëveshjes së demarkacionit nuk do të thotë 100 për qind se do të liberalizohen vizat, por nëse marrëveshja nuk ratifikohet do të thotë 100 për qind se ato nuk do të liberalizohen”, tha Lunacek. /gazetametro.net