Loading…

Mali i Zi konfirmon akuzat kundër liderëve të opozitës për grusht shteti

  • 08/06/2017 | 19:02

Mali i Zi konfirmon akuzat kundër liderëve të opozitës për grusht shteti

Një gjykatë malazeze tha sot se kishte konfirmuar akuzat kundër dy liderëve të opozitës në lidhje me një tentativë për grusht shteti në tetor.


Gjykata e Lartë e Podgoricës tha se konfirmimi i aktakuzës ndaj Andrija Mandiç and Milan Knezeviç, të cilët janë identifikuar vetëm me inicialet e tyre do të çojë në nisjen e masave ligjore brenda dy muajve.

Mandiç dhe Knezeviç janë liderë të Frontit Demokratik të opozitës proruse, të cilët luftuan për të ndalur pranimin e Malit të Zi në NATO dhe premtuan se do të mbajnë një referendum kundër saj edhe pse vendi u bë anëtar i plotë i NATO-s këtë javë.

Ata u akuzuan për komplot për të përmbysur qeverinë malazeze në një grusht shteti gjatë zgjedhjeve parlamentare të 16 tetorit.

Gjithashtu, pjesë e akuzave ishin dy diplomatë rusë, nëntë shtetas serbë dhe 12 persona të tjerë.

Zyrtarët e Podgoricës, duke përfshirë ish kryeministrin, Milo Gjukanoviç dhe prokurorin special, Milivoje Katniç akuzuan në mënyrë të drejtpërdrejt Moskën për mbështetjen e komplotit për të përmbysur qeverinë properëndimore të Malit të Zi.

Rusia ishte një aleat i ngushtë dhe një partner i madh i biznesit të Malit të Zi, por marrëdhëniet u tendosën, ndërsa qeveria e Djukanovic e drejtoi vendin drejt anëtarësimit në NATO duke iu bashkuar sanksioneve të BE-së dhe SHBA-së kundër Moskës gjatë krizës në Ukrainë, përcjell Atsh.

Rusia tha se e sheh zgjerimin e fundit të NATO-s , veçanërisht për një vend me ndikim të papërfillshëm ushtarak, por me qasje strategjike në detin Adriatik , si një kërcënim për sigurinë e saj.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë