Loading…

Mali i Zi në fundjavë hap kufirin me Kosovën

  • 01/07/2020 | 23:35

Mali i Zi në fundjavë hap kufirin me Kosovën

Kryetari i komunës së Ulqinit, Loro Nrekiqi paralajmëron hapjen e kufijve të Malit të Zi ndaj shteteve të rajonit, pasi vetëm në këtë mënyrë mund të shpëtohet sezoni turistik në Ulqin dhe më gjerë.

Ai ka konkretizuar se në listën e shteteve ndaj të cilit Mali i Zi do të hapë kufijtë është edhe Kosova e Shqipëria. Kufiri sipas kryetarit të Ulqinit do të hapet në mbarim të kësaj jave dhe turistët do të mund të hyjnë në territorin e Malit të Zi pa pasur nevojë të dëshmojnë se janë negativ nga virusi Covid 19, njofton Gazeta Ulqini.

Z. Nrekiq pohon se hapja e kufirit me Kosovën ka rëndësi të dorës së parë pasi nga ky vend vijnë rreth 70 përqind e turistëve. Mundësinë e hapjes së kufijve të Malit të Zi ndaj shteteve të rajonit e kanë vërtetuar edhe burime nga Ministria e Turizmit.

Nga Trupi Nacional Koordinues i sëmundjeve ngjitëse të Malit të Zi dje janë shprehur se pas hapjes ndaj vendeve të BE-së do të shqyrtojnë mundësinë për hapjen e kufijve ndaj shteteve të rajonit.

Situata në Malin e Zi sa i përket Covid 19 është nën kontroll, pasi numri i të infektuarve është vetëm 249 në nivel shtetëror.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë